O clásico Dungeon Keeper culmina o seu lanzamento para iOS
xoves, 30 de xaneiro do 2014
O xogo
de estratexia desenvolvido en 1997 por Bullfrog cando aínda estaba baixo a
batuta de Peter Molyneux, Dungeon Keeper,
está xa de volta como título de balde baixo a fórmula do free-to-play, e tras a súa versión
para Android, chega hoxe á
App Store como aplicación universal, propondo tácticas retorcidas para
someter aos inimigos invocando a forzas diabólicas, xa o que lema deste clásico
é “o mal é bo”.
En Dungeon Keeper teremos que
construír o refuxio subterráneo definitivo, con exércitos de trolls, demos e
bruxos loitando facendo uso de ataques especiais para destruír aos seus
competidores, sendo tamén posible colocar trampas defensivas, saquear os
recursos dos inimigos e incluso unir forzas con xogadores de todo o mundo para
compartir criaturas, aumentar a produción de recursos e gañar logros exclusivos
de gremios.
Ao ser un xogo que podemos descargar de balde, é de agardar que a partir de
hoxe haxa moitos usuarios de dispositivos móbiles que se animen a probar a experiencia
de converterse no gardián do alxube.
- O xogo é como un tower defense, pero sen torres
Trailer da versión para Android de Dungeon Keeper