O candidato popular en Oleiros publica un vídeo na Internet
martes, 26 de decembro do 2006
A guerra dos vídeo
políticos na Internet, que xa nos achegou producións da FAES, do PP, de CiU e
do PSOE, chega a Galicia da man do PP de Oleiros, que dende a súa páxina web, aparte dunha
felicitación de Nadal (na que falan dun “Feliz
Ano electoral e un próspero cambio de Goberno” xunto cunha imaxe dunha
margarita perdendo os seus pétalos en referencia ó partido no poder,
Alternativa dos Veciños) tamén ligan a un vídeo na Internet.
A produción
subida a Google Video presenta ó candidato Pablo Cobián falando con veciños
e denunciando a situación actual do concello oleirense. A peza
contou coa realización do cineasta galego Alber Ponte (amigo persoal do
candidato á alcaldía).
Con esta nova iniciativa, Cobián continúa a apoiarse na Internet para darlle
pulo á súa precampaña electoral, converténdose nun referente en Galicia deste
tipo de actuacións, que se agarda que se espallen por máis concellos durante os
vindeiros meses.
Velaquí o vídeo mencionado: