O Portal de Transparencia da Xunta supera as 8.500 visitas en menos dun mes
martes, 5 de abril do 2016
Segundo destacou hoxe a directora xeral de Avaliación e
Reforma Administrativa, Natalia Prieto, durante a presentación
do Portal de Transparencia e Goberno Aberto no Instituto Nacional de
Administración Pública, en Madrid, esta ferramenta viva e dinámica cunha
vocación de mellora permanente e de fomento da participación da cidadanÃa nos
asuntos públicos e na que se irá incorporando aquela información pública que se
solicite con maior frecuencia pola cidadanÃa acadou as 8.556 visitas dende o 7
de marzo, cando botou a andar.
Con case 95.000 páxinas consultadas, este novo portal
reafirmase como o punto único, directo e centralizado de toda a información que
se debe facer pública á cidadanÃa, de acordo coa nova normativa básica de
transparencia e coa lei aprobada a este respecto pola Xunta.
As páxinas máis visitadas están relacionadas cos altos cargos
da Xunta, as retribucións, contratación pública ou normativa en tramitación.
Durante a súa presentación, a directora xeral destacou que o Portal de Transparencia
proporciona un acceso sinxelo e directo a contido que antes se publicaba pero
estaba disperso, como a normativa en tramitación, as circulares e instrucións
de interpretación de normativa, os efectivos de persoal público e as
retribucións, perfÃs e declaracións de actividades dos altos cargos.
Doutra banda, tamén incorpora contido propio e inédito, que
é a primeira vez que se fai de acceso público na historia da autonomÃa. É o
caso da relación dos bens inmobles da Xunta, a conta xeral da Comunidade, a
información das viaxes dos altos cargos ou as súas declaracións de bens
patrimoniais no momento de toma de posesión e cese, por exemplo.