O Paquete Resurrección de Modern Warfare 2 chega a PC e PS3

Carnival é un dos novos mapas incluídos no Paquete Resurrección

O 3 de xuño chegou ao Bazar de Xbox LIVE un contido descargable para o xogo Call of Duty: Modern Warfare 2 chamado Paquete Resurrección, que inclúe 5 mapas multixogador (Carnival, Fuel, Trailer Park, Strike e Vacant) e finalmente rematou o período de exclusividade deste DLC para a Xbox 360, de xeito que agora xa está dispoñible para usuarios da PlayStation 3 (por un prezo de 13,99 euros) e de PC, o que permitirá reforzar as vendas deste tipo de expansións que amplían a experiencia de xogo en liña deste título que a tantos xogadores congrega.