O Formato de Documento Aberto (ODF) a piques de converterse en obrigatorio no Reino Unido
xoves, 6 de febreiro do 2014
O
Goberno do Reino Unido publicou o 29 de xaneiro unha proposta na
que se anunciaba que o Formato de Documento Aberto (ODF) será
establecido como o estándar para todos os seus documentos
electrónicos editábeis, non só nos postos a disposición da
cidadanÃa, senón naqueles de uso interno. Esta proposta estará
aberta á recepción de comentarios até o 26 de febreiro, intre no
que se tomará unha decisión final acorde coas recomendacións
obtidas. A razón principal da necesidade de definir un estándar
para os documentos producidos polo goberno é poder compartilos e
colaborar na súa edición, sen impor custos á cidadanÃa, aos
negocios nin a outras administracións públicas. Noutras palabras:
evitar a dependencia do provedor ou o que é o mesmo, evitar escoller
un provedor concreto só por razóns de formato e non por razóns de
que sexa o que mellor abrangue as necesidades técnicas e económicas.
Francis Maude (Minister
for the Cabinet Office and Paymaster General) asegura estar
convencido de que este paso contribuirá a mellorar a situación das
PEME TIC británicas.
Cómpre
dicir que a dita proposta é o resultado dunha consulta pública que
estivo aberta dende o pasado 4 decembro até o 15 xaneiro, no
Standards Hub,
o portal web que o goberno de Reino Unido puxo en marcha para levar a cabo a
selección dos estándares abertos que empregarán en todos os seus
departamentos. Asemade, realizouse un estudo entre o persoal da
administración para dar a coñecer o uso dos documentos
electrónicos, como traballaban con eles e con quen os comparten. As
conclusións
desta análise foron tamén feitas públicas.
En base a toda esta información recompilada
elaboráronse dúas propostas: proposta de estándares para
documentos editábeis: ODF (nas súas versións 1.1 ou 1.2) e, de
xeito parello, CSV para documentos con información a tratar
estatisticamente e proposta de estándares para visualización de
documentos PDF.