O 1 de agosto chegará ás tendas a serie Platinum para PS3

Sony confirmou que a serie Platinum para PS3 se estreará en Europa o 1 de agosto, de xeito que para o mes que vén veremos coma os xogos MotorStorm, Resistance, Uncharted, Assasin’s Creed, Virtual Tennis 3, Heavenly Sword e Ratchet & Clank baixan o seu prezo a 30 euros, o que agradecerán os usuarios da PS3 pois, aínda que estes títulos sexan xa algo vellos, teñen un nivel bastante alto, e a rebaixa no seu prezo é moi importante (xa que o prezo orixinal era de ata 69,95 euros).
Hai pouco se filtrou o deseño das caixas destes xogos, que cambian para destacar baixo fondo amarelo a pertenza á serie Platinum, de xeito que os usuarios terán doado localizalos nos estantes das tendas, e diferencialos das novidades.
Esta nova colección de xogos suporá un balón de osíxeno para os usuarios da PS3, que poderán ampliar o seu repertorio de xogos gastando menos cartos.