Nintendo confirma o cesamento da fabricación da Wii no Xapón
luns, 21 de outubro do 2013
Coa chegada da PlayStation 4 e a Xbox One comeza unha nova
xeración de consolas de videoxogos, e sendo conscientes do grande salto que vai
dar o mercado dende Nintendo decidiron pechar unha porta e na súa páxina web xaponesa tras
figurar durante varias semanas que a fabricación da Wii está programada para
rematar en breve, agora aseguran que a produción da máquina rematou, ou sexa,
que tras vender máis de 100 millóns de unidades en todo o mundo non
volverá a fabricarse unha das consolas de máis éxito a nivel mundial (só
superada pola Game Boy e a Nintendo DS), da que aÃnda queda stock para garantir a súa permanencia
nas tendas durante varios meses pese a contar xa coa súa sucesora, a Wii U.
Temos agora un bo momento para destacar que a Wii foi unha consola que
conseguiu un grande impacto cultural a nivel global, grazas en boa medida ao
fenómeno de Wii Sports, xogo (que xunto
a party games) contribuÃu a que toda
a familia puidese gozar das consolas sen velas como algo limitado a mozos e
nenos, o que beneficiou a todo o sector en xeral.
Nestes anos de éxito a Wii recibiu grandes xogos como a saga Super Mario Galaxy, The Legend of Zelda: Twilight Princess, Super Smash Bros. Brawl, The
Legend of Zelda: Skyward Sword e Xenoblade
Chronicles, que demostraron que, pese a non estarmos ante unha consola con
gráficos de alta definición, é posible publicar xogos de auténtico luxo, dos
que sen dúbida beberán moitos outros para Wii U e futuras plataformas
domésticas.