NACCE ten unha nova cita co empresariado TIC este xoves en Pontevedra
mércores, 19 de setembro do 2012
- Imaxe tomada no II Foro NACCE celebrado en Ourense
O Edificio Administrativo da Xunta de Galicia en
Pontevedra vai acoller este xoves, 20 de setembro, a terceira cita que NACCE
ten prevista co empresariado galego e do norte de Portugal, para, por unha
banda poñer en contacto aos profesionais do sector TIC de ámbalas dúas zonas
para abrir posibles vieiros de colaboración, e pola outra, asesorar a aquelas
persoas emprendedoras que precisan botar a andar as súas ideas de negocio.
Este III
Foro NACCE centrarase nas cuestións legais que lle atinxen ao sector TIC, e
nas novas liñas de negocio en colaboración que poden xurdir entre o
empresariado e persoal emprendedor de ámbalas dúas ribeiras do Miño.
O evento volverá a repetir o esquema que seguiu nas pasadas
xornadas de Vigo e Ourense: relatorios e charlas sobre innovación TIC e asociacionismo
pola mañá, e sesións de asesoramento e mesas de traballo personalizado pola
tarde.
O programa recolle, máis polo miúdo, o relatorio do presidente
do Colexio Profesional de EnxeñarÃa en Informática de Galicia, Fernando Suárez,
a partir das 10:45, que versará sobre que facer para comezar un proxecto, só ou
en colaboración, e sobre como poñer en marcha unha idea de empresa para que
saia adiante con éxito.
A partir das 11:15, a avogada consultora TIC Cristina
Nebot, e o avogado especializado en novas tecnoloxÃas VÃctor Salgado, exporán
as cuestións legais que lle atinxen a un proxecto TIC en colaboración, e achegarán
as claves para protexer unha idea de negocio dende o punto de vista legal
actual.
Xa ás 12:30 e logo dun merecido descanso para
relatores e asistentes, o avogado FranciscoVeiga, do Bufete Garrigues, falará
sobre os aspectos fiscais clave no desprazamento de persoas entre España e
Portugal; e a partir das 13:00 horas, os relatores VÃctor López, Pablo López e
Adelino Silva mostrarán as vantaxes da xestión dun proxecto en colaboración.
Na xornada da tarde, que terá lugar entre as 15:30 e
as 18:00 horas, celebraranse 6 mesas de traballo personalizado centradas en
distintas disciplinas en relación coas TIC, nas que poderán participar de balde
todas aquelas persoas interesadas en afondar coñecementos sobre algún dos temas
tocados ao longo da mañá.
A xornada é de balde e está aberta a todas aquelas
persoas que teñan interese en coñecer as vantaxes da colaboración no seu
negocio ou aprender a xestionar un proxecto de colaboración; asà como a aquelas
que teñan dúbidas sobre cuestión legais no tocante á área tecnolóxica da firma.
As persoas interesadas en asistir a esta cita deberán
inscribirse previamente na web de Nacce, indicando de paso se van asistir á
comida networking, a cal corre por
conta da organización.