Mundos Digitales incrementou considerablemente o seu volume de asistentes
luns, 9 de xullo do 2018
- A Feira de Emprego de Mundos Digitales contou con 20 empresas
O pasado sábado Mundos Digitales pechou as portas da súa
XVII edición mantendo a súa posición como o encontro español máis importante no
mundo da animación, os videoxogos e os efectos especiais, conseguindo cifras record cun 40% máis de asistentes con
respecto ao ano pasado e con 20 empresas presentes na Feira de Emprego, entre
as que se atopaban estudios galegos, estatais e tamén outros chegados de paÃses
como Alemaña e Reino Unido.
Na sesión de mañá, presentouse por primeira vez en España a
curta Nina, The Little Bulldozer, un
documental cunha parte animada que relata a historia real de Nina, unha nena
afectada por epilepsia. Carlos Grangel, fundador de Grangel Studio, explicou
xunto con Javier León (León Studio), Daniel MartÃnez (Pepe School Land) e Raúl
Carbó (In Efecto) como xurdiu a idea de crear esta peza e cales foron os
maiores retos aos que tiveron que enfrontarse. Grangel explicou como a idea se
xestou na edición de Mundos Digitales de hai catro anos: «Fun ao encontro de
profesionais que admiraba para crear este equipo», sinalou. Pola súa banda,
MartÃnez quixo destacar que o documental é un exercicio de sensibilización nun
paÃs como Estados unidos, onde a xente que padece epilepsia aÃnda se atopa
estigmatizada. Todos fixeron referencia ás dificultades coas que se toparon ao
tratarse dun proxecto altruÃsta que non dispoñÃa de financiamento e ao provir
todos de campos diferentes.
A xornada de clausura tamén contou co equipo de Ilion
Animation Studio: Javier Abad, Javier Romeu e Juan GarcÃa. Eles son os
responsables de dar vida a Wonder Park,
a comedia de animación de Paramount que se estreará en marzo de 2019 e que
conta coas voces de Matthew Broderick, Jennifer Garner, Ken Hudson Campbell,
Kenan Thompson, Ken Jeong e Mila Kunis. GarcÃa explicou que o principal reto
foi atopar o estilo que buscaba o director e que envorcaron gran parte dos seus
esforzos en crear unha experiencia inmersiva para o espectador, para trasladar
a experiencia da protagonista ao público. Romeu explicou que o pelo é unha das
partes máis difÃciles de crear nunha pelÃcula que conta con animais como
protagonistas e chanceou con que ata o momento o seu maior reto respecto diso
fora a barba do Profesor Bacterio en Mortadelo
y Filemón. Asà mesmo Abad destacou a complexidade dos protagonistas desta
pelÃcula, personaxes que evolucionan internamente e cuxo cambio se manifesta
nas súas expresións e mesmo na paleta de cor empregada.
Pola tarde tivo lugar o Festival de Animación, onde se
exhibiron ao público as catro curtas finalistas da categorÃa internacional e os
catro da categorÃa nacional.
A continuación celebrouse a cerimonia de entrega de premios
do Festival de Animación. O xurado formado por Raúl Rocha, de Illusorium
Studios; Enrique Gato, de Lightbox Animation Studios; Daniel M. Lara, de Pepe
School Land; e Jorge Algora, de Adivina Producciones outorgaron o premio á
mellor curta de animación internacional á produción eslovena The Box de Dusan Kastelic, unha
curtametraxe con crÃtica social que vira contorna ao concepto «pensar fóra da
caixa», a peza de Kastelic tamén obtivo o premio do público. Na sección
nacional, a peza galardoada foi I wish
de VÃctor L. Pinel, cuxo protagonista é un home incapaz de perseguir os seus
soños. O premio especial do xurado recaeu sobre Aazar, unha imaxinativa curta sobre as aventuras dunha nena que
soña con chegar á Terra dirixida por Alberto RodrÃguez, Alice Labourel, Fabian
Riquejo, Ignazio Acerenza, José Luis Herrera e Juan González.
Durante esta cerimonia, o xurado tamén entregou o seu premio
especial a Carlos Baena, responsable de animación de pelÃculas de Pixar como Toy Story 3, Ratatouille, Wall-E ou Los Increibles. Baena compatibiliza o
seu traballo nos estudos de Pixar en San Francisco coa súa tarefa como fundador
de Animation Mentor, unha das primeiras escolas de animación en liña.
AÃnda que o congreso pechou as súas portas, Mundos Digitales
vai máis aló dos tres dÃas de encontro, poñendo en marcha o proxecto MD 2.0,
que conta coa participación de Félix Bergés, membro de El Ranchito. Trátase
dunha experiencia formativa única no sector que permitirá aos alumnos de
destacadas escolas de animación e efectos visuais poñer en práctica o sistema
de traballo das grandes producións internacionais.
- A edición XVII foi extraordinariamente completa, con numerosas actividades en paralelo durante os 3 dÃas de congreso