Movistar permitirá ver a Champion League en 4K

Os usuarios de Movistar que teñan un televisor 4K van poder tirar un maior proveito da súa resolución de pantalla grazas a unha nova canle que bota a andar no Dial 442 do seu descodificador, Movistar Liga de Campeones UHD, que chega para os clientes de televisión por fibra óptica que conten co descodificador UHD.
A nova canle está destinada a retransmitir en 4K partidos seleccionados da UEFA Champion League, sendo o primeiro partido o encontro entre o Olympique de Lyon e o FC Barcelona, que mañá mesmo terá lugar ás 20:45 horas.
Movistar tamén ofrece partidos en 4K nas súas canles Movistar Partidazo UHD e beIN LaLiga 4K.
Adicionalmente Movistar+ tamén incorporou á súa oferta de televisión por cable as canles beIN LaLiga 2 Max HD, Nickelodeon HD e ETB3.