MexilOnseTuits celebrará a súa segunda edición o 2 de xuño
martes, 29 de xaneiro do 2013
- Trofeos da 1ª Edición dos Premios de Social Media de Galicia
O pasado mes de xuño Bueu acolleu o
primeiro Festival de Social Media de Galicia, tamén chamado MexilOnseTuits,
xuntando a máis de 250 profesionais galegos do sector TIC e das Redes Sociais,
que puideron atender a un par de relatorios e a entrega da 1ª Edición dos
Premios Galegos de Social Media, que recoñeceron a proxectos como Gafa Vintage, ao boneco viaxeiro
Stabri, á orixinalidade de Ah Moda
para darse a coñecer a través do uso do vÃdeo, á campaña
de Elogia para Pizza Móvil, aos blogs CapÃtulo 0, Mola Viajar, Nyxstyle e Recetas de Rechupete, á axencia Naranjalimón e á iniciativa Viajando con Diego; e en vista da
boa acollida deste evento, veñen de confirmar a súa continuidade o presente
ano, de xeito que o 2 de xuño
terá lugar unha nova edición do MexilOnseTuits.
Nos vindeiros meses iremos coñecendo os detalles deste evento dunha axenda tecnolóxica
galega que parece querer repetir en 2013 as iniciativas de 2012, dando a
entender que a conxuntura económica desfavorable non é quen de frear os
encontros do sector TIC de Galicia, en boa medida porque serven de
dinamizadores, o que pode axudar a saÃr da crise.
- Cartel da edición de 2013 de MexilOnseTuits