Mar Castro formou en comunicación dixital a 23 emprendedores da contorna lucense
xoves, 20 de agosto do 2020
O
curso
online de comunicación dixital organizado polo Concello e
impartido pola formadora lucense Mar Castro, experta en TIC, contou
finalmente coa participación de 23 emprendedores. O Goberno de
Lara Méndez puxo en marcha esta iniciativa, en colaboración con AJE
Lugo, co obxectivo de ofrecer “formación especializada e de
balde”, nun ámbito, o das ventas e a comunicación online,
que se atopa en auxe debido á crise sanitaria. Asistiron ás sesións
emprendedores/as e empresarios/as en diferentes áreas: tradución e
interpretación, arte visual, deseño gráfico, formación ou
hostalería, entre outros eidos.
O
curso, que finalizou este mércores, estivo impartido pola lucense
Mar Castro, doutora en Comunicación, profesora universitaria e
asesora empresarial. Incluíu cinco sesións de vídeo-conferencia,
de 90 minutos, e unha sesión de asesoría individual de 60 minutos.
Ademais, todos os participantes recibirán o Manual de
Comunicación Profesional Dixital Post COVID-19, elaborado pola
autora, en base aos seus coñecementos, experiencia e outras
publicacións.
O
programa incluíu 5 bloques temáticos a través dos que se profundou
en cuestións como a comunicación asertiva, a comunicación oral, a
comunicación non verbal, a comunicación escrita e a comunicación
corporativa. A través deste curso os participantes puideron mellorar
as súas habilidades comunicativas, contribuíndo a unha mellor
visualización da súa marca.