Lugo celebra o Día Mundial de Plone cun relatorio sobre este CMS de código aberto
venres, 7 de novembro do 2008
Hoxe celébrase o
World Plone Day 2008 coma un evento global no que se busca dar a coñecer o
xestor de contidos (CMS) baseado en python, Plone, con actividades nunhas 60 cidades
de todo o mundo entre as que Lugo tamén fai a súa propia achega grazas ás
empresas Código 23 e Pexego, que organizaron un relatorio no que se fixo unha
introdución a Plone, se explicou o seu uso coma CMS e se afondou no mesmo coma
estrutura de desenvolvemento.
Ás xornadas que tiveron lugar nas instalacións
luguesas de Pexego asistiron unhas 10 persoas de Lugo, Coruña e Ourense,
que puideron intercambiar experiencias e coñecementos sobre o sistema de
publicación na web Plone.