Lanzadera explicará o seu método empresarial en Compostela
luns, 12 de xaneiro do 2015
O
proxecto de capital privado impulsado por Juan Roig, Lanzadera, leva un par de anos axudando a
que lÃderes emprendedores creen empresas eficientes, que acheguen valor e implanten
un modelo empresarial sólido baseado no traballo produtivo, o esforzo e o
liderado, e para dar a coñecer esta iniciativa, o seu director xeral, Javier
Jiménez Marco, explicará o Modelo de
Calidade Total que aplican ás empresas o
vindeiro venres ás 10:30 horas no salón de actos do CiTIUS, en Santiago de
Compostela.
Dende Lanzadera impulsaron numerosos proxectos tecnolóxicos nas súas dúas primeiras
edicións, como a empresa de desenvolvemento de videoxogos Codigames (que conseguiu recibir 2,2 millóns
de euros por parte de Angels Capital), a aplicación Apparcando, a plataforma telemática de
consultas veterinarias Barkibu ou a solución
de software para novos formatos publicitarios interactivos PlayFilm; e Javier Jiménez aproveitará a súa
visita a Compostela para dar conta do que buscan na súa convocatoria 2015/2016, á vez
que debullará o seu proceso de selección para que os interesados en iniciar o
seu proxecto empresarial saiban se poden atopar acubillo baixo o paraugas de
Lanzadera.
