Intermax comprométese a levar Internet ao 100% dos usuarios en concellos lugueses cos que teñen convenio
xoves, 21 de xullo do 2011
- Intermax leva a Rede ata o Castelo de Pambre
Intermax Technology puxo en
marcha un plan de expansión coa intención de levar Internet ata o último
recuncho de Galicia, «por moi difÃcil que
sexa tanto a localización como o acceso», segundo explica a firma
melidense. Nestes dÃas iniciará a instalación dunha antena no monte de Facha,
na zona limÃtrofe das provincias de Lugo e Pontevedra, que dará maior cobertura
aos concellos de LalÃn, Agolada, Antas de Ulla, Rodeiro e Palas de Rei, entre
outros.
O director xeral de
Intermax, Javier Mouriño, destaca que o obxectivo da empresa é dotar de acceso
de banda larga a todo o medio rural galego, «porque é unha necesidade básica e
social que queremos cubrir, comprometida coa redución efectiva da chamada fenda
dixital, coa particularidade de que nós chegamos a onde outros non». E pon o
exemplo do Castelo de Pambre, en Palas de Rei (Lugo), onde Intermax está a
acometer os traballos necesarios para dar cobertura a un monumento de «difÃcil arquitectura e acceso», xa que
se atopa nun penedo á beira do rÃo.
- Antena de Intermax instalada en Samos
Na provincia de Lugo,
Intermax dá cobertura a Friol, Monterroso, Palas, Lugo, GuntÃn, Antas de Ulla,
PortomarÃn, Samos, Sarria, O Corgo, Castroverde, Baralla, Láncara, O Páramo e
Paradela, asà como a concellos costeiros como Burela e Cervo, grazas a sinatura
de diversos convenios de colaboración. A empresa indica que ten presenza en máis
de 60 municipios de toda Galicia, e arredor de 7.500 usuarios públicos e
privados, entre os que se contan centros da Administración, empresas e
establecementos comerciais, cooperativas e particulares.
A «elevada
satisfacción» polos servizos, tanto institucionais como privados, animan a
Intermax a seguir estendendo internet a todos os fogares: «Temos clientes moi agradecidos porque levaban anos esperando por unha
conexión ou un acceso estable e de calidade. O medio rural galego ten unha
enorme potencialidade en desenvolvemento empresarial e crecemento de
asentamento de poboación, fortalezas que están limitadas se non dispoñen de
banda larga».