Grande dÃa para o Guitar Hero en España
venres, 14 de novembro do 2008
- O Guitar Hero On Tour: Decades se vende co adaptador correspondente por 49,95 euros
Hoxe
chega ás tendas españolas o xogo Guitar
Hero On Tour: Decades para Nintendo DS, cunha completa listaxe de cancións
que inclúe o tema Estrella Polar de
Pereza, e que repasa 40 anos de historia musical. Pódese adquirir solto por
39,95 euros ou co adaptador para poder xogar a calquera das dúas entregas do Guitar Hero para DS por 49,95 euros.
Pero a DS non é a única plataforma deste xogo musical comercializado por
Activision, e para PS3, PS2, Xbox 360 e Wii sairá en breve o Guitar Hero World Tour ao que se poderán
achegar os máis impacientes a través do Trofeo
Europa Guitar Hero World Tour que comeza hoxe mesmo nunha fase previa que
se estenderá ata o 26 de novembro, para a que se pode participar apuntándose
na web do xogo ou nas tendas FNAC de toda España (lembremos que hai
unha en A Coruña).
Os participantes poderán darlle á guitarra durante os dÃas
que dure esta fase previa de 5 a 9 da tarde, celebrándose a semifinal o dÃa 29
ás 12 de mañá (no caso da tenda coruñesa) na que se definirá quen serán os
seleccionados para participar na final que se celebrará en Madrid o 7 de
febreiro de 2009 (á que tamén acudirán xogadores de Portugal, Francia, Holanda,
Bélxica, Italia e SuÃza).
O primeiro clasificado recibirá, aparte da praza para a final europea, unha
consola Xbox 360 e un xogo completo (con accesorios) de Guitar Hero World Tour, mentres que o segundo clasificado tamén
poderá competir na final e recibirá como agasallo só o xogo mencionado (cos
seus accesorios). Cada un dos grupos de semifinalistas tamén recibirán unha
copia do xogo Call of Duty: World at War
para Xbox 360. O gañador definitivo será premiado cun televisor de plasma Toshiba
Full HD de 52 polgadas.
|