Grande contraste entre Games with Gold e PlayStation Plus en maio
xoves, 30 de abril do 2015
O mes de maio vai destacar entre os usuarios de consolas de
videoxogos que estean subscritos aos servizos Premium de Sony e Microsoft polo
grande contraste entre os tÃtulos que reciben sen custo adicional ambas
plataformas, xa que mentres Games
with Gold segue na liña habitual
de ofrecer algúns xogos de primeira liña mentres que PlayStation Plus baixou o
listón até lÃmites sen precedentes, limitándose
a xogos independentes.
No caso de Games with Gold temos que
os usuarios con subscrición Gold a Xbox LIVE poderán facerse co curioso CastleStorm
– Definitive Edition para Xbox One, que estará dispoñible durante todo
o mes; mentres que para Xbox 360 os xogos que ofrece Microsoft son tÃtulos de
grande peso: Mafia
II e o xogo de carreiras automobilÃsticas F1
2013. Tamén destaca o feito de que Pool
Nation FX para Xbox One continuará a estar dispoñible durante o mes de
maio.
A proposta de Sony a partir do 6 de maio é bastante rechamante, xa que tras
ofrecer en abril tÃtulos como Dishonored
para PS3 e Killzone Mercenary para PS
Vita, achegará videoxogos totalmente descoñecidos para o público, sendo o máis
destacable Guacamelee!
Super Turbo Championship Edition para PS4, consola que tamén recibirá o
xogo debut de White Paper Game, Ether
One. Outros xogos indie que
chegarán en maio, e que poderán correr en PS4, PS3 e PS Vita, serán The
Unfinished Swan, Race
the Sun e Hohokum,
mentres que Murasaki
Baby só funcionará en PS Vita.