GALPon celebra cunha nova festa en Vigo o día a prol da liberdade no software

A deste 15 de setembro é unha data importante para os deseñadores e usuarios de software libre de todo o mundo, un “club” que medra a base de incorporacións de todo tipo de xente (activistas informáticos a prol da liberdade e da igualdade de condicións perante o acceso a coñecemento, usuarios desencantados do software propietario, etc) e que, sobre todo non pide nada a cambio por integrarse nel. Máis concretamente, estamos a falar do Día da Liberdade do Software, que en Galiza vaise celebrar no parque forestal de Beade, en Vigo, da man de GALPon, a partir das 13.00 horas.
Polo de agora, sabemos que o modelo do evento seguirá os pasos da edición do ano pasado, debatendo acerca da programación aberta e ceibe e mesturándoa cun ambiente de esparcemento tipicamente galego: o da churrascada. Á xuntanza, informa GALPon, está convidados socios e non socios e aproveitarase a oportunidade para participar en competicións dentro do equipo GNU/Linux Galicia da páxina do Software Freedom Day.<