Foro sobre a muller innovadora este martes en Vigo

Incentivar a presenza da muller dirixindo o tecido empresarial galego e, sobre todo, comunicar á sociedade que xa é hora de deixarlles paso. Estes son algúns dos grandes obxectivos da xornada Donas: Emprendedoras e Innovadoras que organiza Conta con Elas este martes 15 de maio no novo Espazo da Muller Emprendedora (EME) na rúa Cánovas del Castillo de Vigo. Máis concretamente, a xornada vai dirixida a amosar ás mulleres que teñan en marcha (ou que teñan pensado facelo) iniciativas empresariais tres experiencias “que lles poden axudar a coñecer os métodos e estratexias precisas para acadar o éxito”.
O foro contará coa presenza de Pilar Jérico (especialista en xestión do talento) e de María Villar e Victoria Millán, responsables das empresas La Ricotta e Calor Humano, respectivamente.