Filmax aposta polo uso de novas tecnoloxías de filmación con Meudron
mércores, 29 de xuño do 2016
A compañía
Meudron, nacida ao abeiro do Grupo Filmax, vén de anunciar a
apertura de horizontes apostando polas últimas tecnoloxías, neste
caso os drons. Meudron estréase en 2000 e ten a súa sede en
Galicia, achega servizos e solucións a empresas, administracións e
persoas que precisen a tecnoloxía dos drons. Atendendo á área da
innovación, e empregando as últimas tecnoloxías dispoñíbeis no
mercado, ofrece aos seus clientes solucións personalizadas para dar
resposta a necesidades específicas.
Meudron
conta con equipos de control de última xeración e dos coñecementos
necesarios para axeitalos aos seus requirimentos ou atopar o máis
axeitado para a súa aplicación.
En que áreas se centra
esta compañía? Pois Meudron está presente en: tráfico,
emerxencias e salvamento; agricultura, gandería e acuicultura;
formación; infraestruturas e obra civil; topografía e termografía;
vixilancia e peritaxe; streaming/3D; audiovisual; arquitectura e
patrimonio.
Meudron forma parte da
equipa de firmas de Filmax que desenvolven o seu labor dende a nosa
terra, por exemplo Producións A Fonsagrada ou Bren, esta última
centrada en boa medida na creación de realidades virtuais e deseños
en 3D. A nova división do grupo ten a súa sede en Área Central
(Santiago).