FX Interactive lanza a cuarta edición do xogo de rescate, Emergency

“Cando golpea o desastre, o teu obxectivo é salvar vidas”... con estas duras verbas comeza a promoción do último xogo de FX Interactive, o Emergency 4, o primeiro xogo de estratexia en tempo real que lle permite ao xogador dirixir as forzas de intervención de emerxencia para actuar en situacións de máximo risco.
Terremotos, incendios, secuestros de avións... e ata 20 misións distintas máis poñerán a proba o tempero dos xogadores, cuxo éxito dependerá exclusivamente do atinado das decisións que tome.
Este xogo de estratexia para PC permítelle aos usuarios despregar tódolos recursos ao seu alcance, tales como, bombeiros, médicos, cans adestrados, mergulladores, xeos, tédax, negociadores… así como vehículos de bombeiros, lanchas de salvamento, helicópteros de rescate, UVI móbiles ou buques anti-incendio.
Para chegar a bo porto e salvar á humanidade de cada perigo que a asexe, os xogadores deberán, entre outras cousas, retirar aos curiosos para que non resulten feridos, entrar en edificios para rescatar supervivintes, interrogar aos testemuñas e poñer a salvo ás persoas vítimas de incendios, inundacións e incluso tsunamis.
Emergency 4 preséntase con novos retos: catástrofes humanitarias, misións en zona de guerra, “mega-terremotos”… e unha longa listaxe de sucesos con esceas dobradas por actores do “máximo prestixio” para a versión española.
O xogo permite, asemade, participar en misións con outros xogadores de todo o mundo e escalar posicións na taboa de clasificación xeral.