Erbe recupera as aventuras gráficas de Mortadelo e Filemón
xoves, 23 de novembro do 2023
AÃnda que as
aventuras gráficas de Mortadelo e Filemón nunca destacasen pola súa calidade,
son uns produtos que moitos quererán lembrar por mor do recente pasamento do
seu creador, Francisco Ibáñez, e por iso Erbe
Software anunciou nunha retransmisión a través de YouTube o relanzamento en
Steam dos tÃtulos que actualmente non estaba dispoñibles para a súa compra.
O Erbe Software Showcase
2023 foi unha presentación guionizada por ChatGPT e narrada por un avatar co
aspecto humano creado coa tecnoloxÃa de HeyGen, na que se anunciou o calendario
de relanzamento de varios xogos de Mortadelo e Filemón: El
Escarabajo de Cleopatra (22 de decembro), La
Sexta Secta (29 de decembro), Dos
vaqueros chapuceros (5 de xaneiro), Terror,
Espanto y Pavor (12 de xaneiro), Balones
y Patadones (19 de xaneiro) e Mamelucos
a la Romana (26 de xaneiro).
Os máis completistas poden aproveitar que os anteriores xogos de Mortadelo e
Filemón (Una
aventura de cine, El
sulfato atómico, La
banda de Corvino e Operación
Moscú) están actualmente á venda con importantes descontos.
Queda fóra deste relanzamento o tÃtulo Mortadelo y Filemón: La Máquina
Meteoroloca, en vez de ser obra de Alcachofa Soft está asinado por VEGA, o
que probablemente dificulta a súa reedición.
Antes destas aventuras gráficas tamén houbo videoxogos destes personaxes para
ordenadores de 8 bits, como Mortadelo y Filemón (1988) e Mortadelo y
Filemón II (1990) editados por Dro Soft.
VÃdeo no que anuncian o relanzamento das vellas aventuras gráficas de Mortadelo e Filemón