EMI recortará o seu cadro de persoal

A industria discográfica enfróntase a un futuro incerto, en boa medida pola estrepitosa caída das vendas de álbums en CD, polo que EMI anunciou que vai reestruturar a súa compañía de xeito que podería recortar ata 2.000 empregos directos (dun total de 4.500) para reducir custos en 200 millóns de libras esterlinas.
Agora EMI seguirá o paso dos seus competidores buscando novos talentos e promocionando a música en formatos dixitais.