Curtas na Rede entrega os seus premios o vindeiro 28 de outubro na Coruña
venres, 17 de outubro do 2008
No marco da clausura das xornadas de exhibición de
curtametraxes organizadas pola SecretarÃa Xeral de Comunicación, o director de
Pradolongo, Ignacio Vilar, acompañado pola secretaria xeral do Consello da
Xuventude de Galicia, Azucena RodrÃguez Amoroso, anunciou a data de entrega dos
premios do concurso Curtas na Rede, que terá lugar o
vindeiro 28 de outubro no Teatro Colón da Coruña.
A devandita xornada formaba parte da campaña de dinamización
da rede de telecentros de comunicación, ComunÃcate, que está a desenvolver a
Dirección Xeral de Comunicación Audiovisual nos distintos centros dependentes
do Centro Multimedia
de Galicia co fin de dar a coñecer á poboación as distintas
posibilidades que ofrecen os centros.
A través desta inciativa, búscase que os telecentros se
incorporen como alternativa habitual na axenda de tempo libre da cidadanÃa e
que se constitúan en focos dinamizadores de acceso ás novas tecnoloxÃas, co fin
de crear unha comunidade virtual que fomente a autoxeración de actividades por
parte dos usuarios.
Esta xornada, que se celebrou no Centro Multimedia de Galicia,
puido seguirse tamén desde os telecentros de comunicación de Boiro, Melide,
Muros, Fonsagrada, Foz, Viveiro e Xinzo de Limia.
