Coruña Bloggers trasládase á Fundación Barrié
luns, 21 de novembro do 2016
Tras
catro edicións de grande afluencia no Bergin Afterworks Bar, o
vindeiro 30 de novembro volve Coruña Bloggers estreando sede, de xeito que
desta volta os blogueiros coruñeses compartirán coñecemento e experiencias na Fundación
Barrié, en pleno Cantón Grande, mantendo o formato que tanto éxito colleitou
nos últimos meses.
Deste xeito, o mércores 30 ás 19:30 horas botará a andar a V edición de Coruña
Bloggers, estruturándose a xornada nun par de relatorios aos que seguirán un
sorteo de agasallos e un tempo de networking.
Abrirá a sesión Arantxa Serantes,
licenciada en Humanidades, experta en mercadotecnia, publicidade e
comunicación, investigador da USC e blogueira cultural na edición dixital de El
Correo Gallego, coa súa bitácora
A duermevela. Buscará introducir
aos asistentes nas humanidades dixitais dende un enforque práctico.
Completará a parte máis formal do encontro a programadora Jessica Gestoso, quen
actualmente dedÃcase a axudar a outras
nais emprendedoras coa parte técnica do seu blog, e na súa intervención en
Coruña Bloggers dará conta do potencial dos auto-respondedores, ou sexa, de
como tirar proveito da planificación dunha secuencia de correos electrónicos que
poden recibir de xeito automático as persoas que se subscriban a un blog,
favorecendo que xurda unha relación de confianza e incluso poder chegar a
incrementar vendas.
Ao remate dos relatorios sortearanse produtos subministrados pola tenda en liña
O Pirata (un altofalante por
vibración Ovum e un par de USB
Power Cube) e un lote de xenebra e tónica de Qualité Events. Tampouco faltará a xa
habitual degustación de galletas de La dulce comarca.
Os interesados en acudir a Coruña Bloggers poden solicitar
de balde a súa invitación a través de Eventbrite, pregándose aos
participantes que acudan cun mÃnimo de 1 quilogramo de alimentos non
perecedoiros para entregar logo á Cociña
Económica.