Cinema en 3D e teatro científico este venres na Domus da Coruña
martes, 19 de febreiro do 2013
O
venres, 22 de febreiro, a
Asociación Galega de Comunicación de Cultura Científica e
Tecnolóxica (AGCCCT) celebrará no marco do Festival
por amor á arte,
na Domus (A Coruña), un Punto
Científico
dirixido ao público xeral, gratuito e libre até completar aforo. O
evento de divulgación dará comezo
ás 16.30 horas e incluirá teatro científico, música en directo,
proxección de vídeos de animación en
tres dimensións (3D)
e mini-pílulas de
coñecemento
a cargo de socios da dita
asociación. A
xuntanza segue o ronsel das edicións do Punto
Científico celebradas
previamente en Ourense e en Carnota.
O
programa por
enteiro,
no que como
dixemos
participan sobre
todo membros
da asociación, ten
o
obxectivo de achegar o coñecemento científico e tecnolóxico á
poboación en xeral dun xeito lúdico. Respecto
á axenda da cita deste venres, dicir que contará coa presenza
activa de
Luisa Martínez, científica mariña e responsable da Unidade de
Cultura Científica do CSIC en Galicia, que
interpretará a peza de teatro científico Que
traballo tan curioso?.
Tamén
intervirá
Esteban Fernández, microbiólogo e promotor do proxecto Actuaciencia
(teatro, radio, blog, etc.), a obra Todo
por unha eñe.
Asemade,
os
científicos Luís Navarro, profesor de Bioloxía vexetal e Ciencias
do Solo da Universidade de Vigo, e Ernesto Carmena, animador de imaxe
e divulgador, proxectarán os documentais de animación en 3D:
Estratexias
adaptativas: Alarma contra ladróns
e A
importancia dos lagartos nos ecosistemas insulares,
ambos dirixidos por Luís Navarro, e O
tikaalik, un pez fósil en movemento
de Ernesto
Carmena, infografista e divulgador científico.
No
formato mini-pílula de divulgación participarán o astrónomo Borja
Tosar con Postal
planetaria;
o
neurocientífico e profesor da UDC, Casto Rivadulla, Ata
canto sabes contar?;
Elena
Vázquez Abal, profesora
de Matemáticas na Universidade de Santiago de Compostela, con Onde
está a Meca?;
Constantino
Álvarez, catedrático de Física e Química no IES Rosalía de
Castro (Santiago de Compostela) con Reacción
Sodio-Auga: ¿Pódese facer sen riscos?;
e, finalmente, Microhistoria
da Guerra Civil española: Catro relatos arqueolóxicos desde a
fronte por
Xurxo Ayán, arqueólogo do CSIC.
Manuel
Vicente, director do programa de radio Efervesciencia
actuará
como mestre de cerimonias. A música en directo correrá á cargo da
Camerata Brigantina, que baixo a batuta de Florian Vlashi, da
Orquestra Sinfónica de Galicia, amosará “as
curiosidades matemáticas que se esconden nalgunha das mais coñecidas
obras da música clásica”,
sinalan
os responsábeis deste programa de actividades.