Chega a España o iTunes universitario

Esta semana ábrese en España a sección iTunes U da tenda de descargas de Apple na que se poden atopar contidos de audio e vídeo ofertados por universidades e institucións educativas en xeral, para «derribar as barreiras que limitan a aprendizaxe» segundo un comunicado da compañía.
As institucións poderán dispor de balde deste espazo para por «ao alcance dos estudantes presentacións, leccións, demostracións, materiais de estudo e calquera outro contido audiovisual formativo».