Chamamento para participar nas Xornadas Libres do GPUL na Coruña
martes, 27 de marzo do 2012
- Unha das actividades de divulgación da anterior convocatoria das Xornadas
O Grupo de Programadores e Usuarios de Linux,
GPUL, anunciou que xa está en marcha o proceso organizativo das súas Xornadas Libres,
uns encontros que, como o seu propio nome indica, van dirixidos a botar abaixo
tódalas trabas posÃbeis de diálogo, participación e colaboración arredor doutra
cousa que naceu sen trabas: o software libre. Haberá charlas, obradoiros e concursos con contidos do
máis heteroxéneo, pero en todo intre coa programación aberta no punto de mira,
amais da cultura libre en xeral. Segundo informa o Grupo, a undécima edición
das xornadas, abertas ao público en xeral, celebraranse na Facultade de
Informática da Universidade da Coruña do 23 ao 27 de abril de 2012.
O prazo para enviarlle á organización propostas
de charlas ou actividades mantense aberto até o 7 de abril. As/os interesadas/os
en propoñer un relatorio ou un obradoiro deberán facelo atendendo as seguintes
instrucións.
Requisitos
de presentación
· Temática: estará relacionada co Software
Libre, Hardware libre ou coa Cultura Libre en xeral e poden ter todo tipo de
enfoques: divulgativo, desenvolvemento, investigación...
· Lingua: poderanse presentar propostas en
galego, castelán, portugués, inglés ou francés.
· Software: todo software referenciado debe de
ser compatible coa definición de Software Libre da FSF. O mesmo se aplica para
o caso do hardware e a definición do OSHW.
· Gravación e distribución dos contidos: o
poñente autoriza a GPUL a facer unha gravación da súa intervención, asà como a
distribuÃr tanto a gravación coma o resto do material empregado durante a
intervención, baixo unha licenza libre (segundo a FSF). Dende a directiva, agardan
o meirande número de propostas e de asistencia.