As empresas botan man do ruído xerado na Rede para facer negocio
mércores, 1 de decembro do 2010
A compañía nacional
Guidance, especializada na metodoloxía e tanxibilización de resultados de
marketing e desenvolvemento de negocios, vén de botar man dos seus coñecementos
neste eido para desenvolver unha ferramenta que convirte a opinión e o ruído xerado
pola comunidade internauta na Rede, en variables medibles de negocio que poden
aproveitar as empresas para o seu propio beneficio.
Trátase de Buzziness, un concepto que ten
como obxectivo “transformar o ruido da
Rede en negocio para as empresas”, e que vén de ser apadriñado polo
Ministerio de Industria.
Segundo os
responsables desta iniciativa, “o 67 por
cento da poboación consulta en Internet antes de tomar unha decisión sobre algo”,
le, consulta, opina, comenta… porén, que pasa con eses comentarios?
Ata o de agora, era
difícil saber cousas como, por exemplo, que tendencias de opinión dominaban na
Rede?, cal é o político mellor valorado de Internet?, ou que opinión se merecen
certos xogadores de fútbol?, porén con esta ferramenta, dende Guidance aseguran
que “os usuarios son auténticos emisores
de información que as empresas poden aproveitar no que sería o novo mercado
entorno ao 2.0”.
O buzzines
convirte, pois, as conversacións, opinións, interaccións e informacións xeradas
pola comunidade internauta en algún lugar da Rede, en resultados tanxibles para
as empresas, institucións, partidos políticos ou outras entidades interesadas
en xestionar a súa presenza en Internet.
Agora, coa chegada
desta e doutras ferramentas similares, as empresas xa non precisan facer
sondeos, enquisas ou informes previos á toma de decisións dalgún negocio pois
co Buzziness, esta información pode ser extraída de todo o “ruído” que se xera na Rede e ser
transformada en criterios de negocio como o posicionamento, os nichos e
oportunidades de mercado, o incremento da produtividade e rendibilidade, a
captación de novos clientes ou o grao de fidelización dos existentes, entre
outras cousas.
O sistema de
Guidance, en concreto, comprende todo o proceso, dende a análise das conversacións
na Rede ata a toma de decisións por parte dunha empresa dada, e parte do
traballo de filólogos, desenvolvedores e expertos en marketing.