Alfoz de Quintadueñas aproveitará o Plan E para montar unha rede FTTH
mércores, 17 de febreiro do 2010
Unha vila de
Burgos de só 1.800 habitantes, Alfoz
de Quintadueñas, decidiu aproveitar o Plan E para levar a fibra óptica ata os
500 fogares da súa poboación, cunha rede neutra que poderán explotar
os operadores para ofrecer conexións á Internet de ata 100 MBps.
O mesmo concello xa conta actualmente cunha rede WiMAX que dá servizo a 200
abonados repartidos por distintas pedanÃas e que reciben unha velocidade de
conexión simétrica de 2 Mbps por 18 euros/mes.
Con esta nova iniciativa empregarán os 187.350 euros do Plan E á creación dun
centro de procesamento de datos, unha centraliña telefónica e o despregamento
dunha rede de fibra óptica ata os fogares, aÃnda que este investimento non será
suficiente para cubrir toda a infraestrutura, para o que deberán agardar a
outras convocatorias públicas de axudas. Teñen pensado que algún operador
explote esta nova rede, pero de non conseguilo, o propio Concello farÃase
cargo.