Agader apoiará a extensión da banda larga no rural galego
martes, 13 de xullo do 2010
O Consello de Dirección da Axencia Galega de
Desenvolvemento Rural, Agader, ao mando de quen se atopa o director xeral Antonio
Crespo, celebrou recentemente a súa reunión oficial, na que, entre outras
cousas, abordáronse diferentes cuestións relacionadas co funcionamento
ordinario da axencia e, de maneira especial, coa cobertura do servizo de
Internet no rural, algo necesario para rachar definitivamente a fenda dixital
existente neste eido.
Nesta xuntanza, que presidiu o conselleiro de
Medio Rural, Samuel Juárez, analizáronse as medidas de apoio, por parte de
Agader, á extensión da Rede de Redes por todo o rural, no marco do Plan
Director de Banda Larga 2010-2013, aprobado en febreiro pasado polo Goberno
galego.
