Aberto o prazo para a presentación de relatorios nas Xornadas RedIris 2007

Uns encontros para afianzar as canles de intercambio de información entre as universidades, as institucións públicas e os centros de investigación. Así se poderían definir as Xornadas Técnicas RedIris 2007 que se desenvolven o vindeiro outono, entre o 19 e o 23 de novembro, no eido da Universidade de Oviedo.
Neste intre, as sesións aínda están en proceso de deseño (abriuse o prazo para a presentación de relatorios, que remata o 16 de setembro), pero xa se poden adiantar algunhas das súas liñas argumentais principais: modelos federados de servizo, servizos de soporte para as infraestruturas de e-ciencia, virtualización de redes e sistemas de aula virtual. Este é o enderezo a onde se deberán enviar as propostas para as intervencións: JT-2007@rediris.es.