A xornada europea BizPoint sobre administración electrónica abre as súas portas este xoves en Compostela
mércores, 14 de febreiro do 2007
Afondar nas posibilidades da administración electrónica, tanto para as institucións como para os cidadáns, é un dos grandes obxectivos da BizPoint: Conferencia Internacional sobre Xanelas Únicas Empresariais, Administración de cara as Empresas (A2B) e Apoio a Empresas que se celebra en Santiago este xoves 15 de febreiro, no Pazo de Congresos. A xuntanza, que está organizada polo proxecto europeo ICHNOS (Innovation and Change: Network of One-Stop Shops), vai dirixida a reunir nun mesmo escenario ás principais institucións e expertos (arredor de 100, calcúlase) en xanelas empresariais, administración cara ás empresas e apoio a emprendedores.
