A triloxÃa de Dragon’s Lair chega a Nintendo Switch
venres, 18 de xaneiro do 2019
Nun momento no que Netflix está a causar sensación
cun episodio interactivo da serie Black
Mirror semella moi oportuna a estrea
de Dragon’s Lair Trilogy para
Nintendo Switch na eShop a un prezo de 19,99 euros, xa que este produto
inclúe os xogos Dragon’s Lair, Dragon’s Lair 2: Time Warp e Space Ace, obras de animación de Don
Bluth que aproveitaban as posibilidades interactivas do LaserDisc para que os
usuarios tivesen que realizar os movementos precisos en momentos exactos para
ver como a historia se desenvolve até o seu final feliz, ou ver se non como o heroe
falece antes de poder derrotar ao mal e rescatar ao seu amor (no caso dos xogos
de Dragon’s Lair o cabaleiro Dirk ten
que rescatar á princesa Daphne, mentres que en Space Ace Dexter ten que salvar a Kimberly).
Estes xogos, pese a ter nacido en salóns recreativos a primeiros dos anos 80
non cesaron de comercializarse en todos estes anos en numerosas plataformas, de
xeito que tanto puidemos atopalos en PC, consolas domésticas, discos DVD e
Blu-ray e incluso en iOS e Android, polo que o seu lanzamento para Nintendo
Switch é simplemente un xeito de continuar a manter viva unha produción
audiovisual que conseguiu manterse vixente até hoxe pese ao seu carácter
pioneiro.
Tráiler da triloxÃa de Dragon’s Lair para Nintendo Switch