A aplicación de Steam para Linux xa está dispoñible na súa fase de probas

Os usuarios de Linux que gusten dos videoxogos poden xa participar da versión de proba da plataforma de distribución Steam, que como agasallo de Nadal anticipado decidiu abrir a beta da aplicación ao público para contribuír á súa mellora atopando os fallos que presente na súa fase actual.
A aplicación cliente de Steam para Linux está xa dispoñible para a súa descarga, utilizando GitHub para rexistrar os fallos que se detecten e poidan probar algúns dos 39 xogos cos que se lanzará esta plataforma en poucas semanas, incluíndo entre os mesmos grandes títulos como Left 4 Dead 2, Team Fortress 2 e World of Goo. Inicialmente esta aplicación cliente soportará Ubuntu, Arch Linux e OpenSuse.