A Universidade de Vigo lanza a WebTV do Campus do Mar
xoves, 7 de outubro do 2010
O Campus do Mar xestado na
Universidade de Vigo segue a sumar apoios con cada unha das actividades que
leva a cabo para darse a coñecer entre alumnos e visitantes. As dúas últimas
iniciativas: a posta en marcha do concurso Marine Inova 2010, (o
primeiro galardón sobre innovación tecnolóxica aplicada ao medio mariño
dirixido ao alumnado universitario) e o lanzamento dunha WebTV de seu son unha mostra indiscutible
delo e confirman que esta aposta da entidade académica está a resultar un
éxito.
O lanzamento da WebTV do Campus do
Mar terá lugar, en concreto, mañá venres ás 16:00 horas na sala de
videoconferencia da ETSE de Telecomunicación e a ela, entre outras personalidades,
asistirán a vicerrectora de Investigación, Asunción Longo; Emilio Fernández, comisionado do Campus do Mar; Nuria
González Prelcic, responsable de AtlantTIC, Research Center on Information and
Communication Technologies, e Vicente Goyanes, coordinador de UvigoTV.
A Conferencia inaugural da WebTV do Campus do Mar virá da man da profesora Milica Syojanovic, Associate
Professor at Northeastern University e Visiting Scientis at Massachusetts
Institute of Technology (MIT) e Wood Hole Oceanographic Institution.
Esta impartirá a presentación en inglés, co tÃtulo Underwater Wireless
(Acoustic) Communications, e poderá seguirse, ben dende a sala de
videoconferencia da ETSE de Telecomunicación da Universidade de Vigo ou en
directo a través da webTV do Campus do Mar, desde a que se poderá
interactuar coa conferenciante a través dun canal chat.
O reitor da Universidade de Vigo,
Salustiano Mato, na imaxe, considera que Campus do Mar é a única proposta
"que se pode definir como
universidade do mar".