A LaconNetwork recibe o outono o vindeiro venres no Aquarium Finisterrae da Coruña
luns, 23 de setembro do 2013
O encontro gastronómico dos emprendedores “coa cabeza na
nube”, a LaconNetwork, xuntará o
vindeiro venres a partir das 13:00 horas a numerosos profesionais do sector
tecnolóxico galego no restaurante
do Aquarium Finisterrae da cidade da Coruña, lugar onde celebrarán un
xantar-networking que ten previsto
desenvolverse ás 14:30 horas, precedido por unha presentación da Asociación de Empresas Galegas de Software Libre
(AGASOL) e unha charla de Marcela
Parga.
Para participar nesta actividade é preciso inscribirse na páxina web do evento,
aboando 21 euros para sufragar o xantar, animándose aos asistentes a que ás
17:00 horas visiten o acuario herculino (non estando incluída a entrega ao
museo científico no prezo de inscrición da LaconNetwork).