A Facultade de Informática da Coruña celebra o vindeiro xoves o día do seu patrón

O vindeiro 22 de marzo a Facultade de Informática da Coruña vai celebrar o día do seu patrón (San Xosé) con diversas actividades lúdicas e culturais organizadas polos propios estudantes. Os actos comezarán a primeira hora con diversas competicións deportivas, xogos de mesa, videoxogos e o concurso Pedra, papel, tesoira.
Segundo informa a UDC, moitas destas iniciativas desenvolveranse no interior da facultade, para trasladarse as actividades ao exterior a partir das 20:30 horas. Chegados a este punto, no aparcamento do centro comezará un concerto que abrirá o grupo Sweet Oblivion Band, ao que seguirán Heissel, Cuchufellos e Pulpiño Viascón.Ao remate do concerto, haberá autobuses desde o campus en dirección á praza de Pontevedra.