A Coruña acollerá unhas xornadas sobre Software Libre

Folleto das xornadas

Os vindeiros xoves e venres a Fundación para o Desenvolvemento da Empregabilidade e a Formación (Fundefo) organiza na Coruña as Xornadas de Experiencias e Negocio en Software Libre, que terán lugar no Hotel Attica21 sito na rúa Enrique Mariñas de Matogrande, e serán de acceso gratuíto, para o que os interesados poden subscribirse contactando por correo electrónico con Sara Rivas ou chamando ao teléfono 628 573 731.
Nas xornadas participarán especialistas de distintos ámbitos profesionais (enxeñeiros, xornalistas, avogados…) e representantes das asociacións de usuarios e empresas de software libre, que darán a coñecer as vantaxes que ofrece este modelo de desenvolvemento e explotación de aplicacións informáticas.
O programa das xornadas é o que segue:
29 Outubro
MAÑÁ (09.30 –13.30)
9.30 Presentación
10.00 Beneficios competitivos do software libre na xestión empresarial (Roberto Brenlla, Presidente Agasol)
11.00 Taller “Negocio-e” (Roberto Brenlla, Presidente Agasol)
TARDE (16.30 –20.30)
16.30 Aplicacións de software libre para a PEME (Carlos Rodríguez, Xerente Tegnix)
17.30 Empresas e modelos de negocio en software libre: O novo ecosistema empresarial (Xavier Castaño García, Igalia)
18.30 Descanso
19.00 Taller “Negocio-e” (Ismael Pernas, Dygra)

30 Outubro
MAÑÁ (09.30 –13.30)
9.30 A seguridade na rede. A protección de datos (Víctor Salgado, Pintos & Salgado Abogados)
10.30 A administración electrónica. Experiencias (Iván Fociños, Hospedaxes)
11.30 Descanso
12.00 Taller de e-Administración (José Limeres, Boratelecom)
TARDE (16.30 –20.30)
16.30 Sistemas de comercio electrónico en entornos de software libre (Marcus Fernández, Código Cero)
17.30 Rogos e preguntas
18.30 Descanso
19.00 Taller WEB2.0 (Denis Fernández, Presidente Grupo de Usuarios GNU)