A Cámara da Coruña achega novos cursos TIC gratuítos para favorecer a empregabilidade da xente nova

A Cámara da Coruña ofrece esta tempada, en resposta ás necesidades reais das empresas, unha variada oferta formativa dirixida a mozas e mozos rexistrados no Sistema Nacional de Garantía Xuvenil, que lles permita mellorar a súa empregabilidade para facilitar o seu acceso ao mercado laboral. Todas estas actividades, boa parte centradas na transformación tecnolóxica e nas ferramentas TIC, están subvencionadas ao 100% polo Fondo Social Europeo e a entidade cameral.
Ademais, os participantes poderán optar a unha bolsa de transporte e nalgún dos casos, a cursar estancias de prácticas non laborais en empresas.
Ampla oferta formativa
No mes de abril darán comezo sete actividades, todas elas en modalidade presencial:
- Curso de Community Xestor: Xestión de Redes Sociais e páxinas web: 08/04-29/05 (Sada).
- Curso de Arte e Deseño Dixital con Blender: 08/04-29/05 (Sada).
- Curso de Auxiliar de Almacén e Manipulación de Cargas con Carretillas Elevadoras: 10/04-14/06 (A Coruña)
- Curso de Persoal de Apoio para Xestoría: 10/04-13/06 (A Coruña).
- Curso de Deseño 3D: 10/04-13/06 (A Coruña).
- Curso de Operacións Básicas de Cociña/Repostería & Manipulador de Alimentos: 15/04-11/06 (Vimianzo).
- Curso de Persoal de Tenda: eCommerce e Xestión das Redes Sociais e Manipulador de Alimentos: 15/04-11/06 (Vimianzo).