A CRTVG permitiranos seguir en tempo real a Lucía Pérez e Tonhito de Poi facendo o Camiño de Santiago
venres, 17 de marzo do 2017
Labovisión, o Laboratorio de Innovación Audiovisual de
Galicia promovido pola CRTVG, quere introducir
o concepto de slow tv ou televisión amodiño ao público galego
a través do proxecto Destino Santiago,
que consistirá na retransmisión de máis de doce horas diarias ininterrompidas
de programación en streaming cubrindo
as distintas etapas do Camiño Francés a Santiago de Compostela ao longo de 40
xornadas.
A viaxe estará protagonizada polos artistas musicais Lucía Pérez e Tonhito de
Poi, e contarán coa cobertura total dos distintos soportes da CRTVG, de xeito
que, aparte da súa retransmisión a través da Internet, tamén contará con
conexións na Televisión de Galicia (en A
Revista e na Área pública) e na
Radio Galega (nos espazos Galicia por
diante, A Tarde e Somos quen), para que o público poida
facer un seguimento en tempo real de esta curiosa peregrinación.
A viaxe botará a andar o 21 de marzo en Roncenvalles, e dende destinosantiago.gal
poderanse seguir as retransmisións de 8:00 a 20:00 horas de cada día. A
experiencia tamén abrirase á interacción a través das redes sociais e cun chat
que permitirá conversar cos protagonistas.
