A CMT leva ó Tribunal Supremo o regulamento do servizo de difusión de radio e televisión por cable

A Comisión do Mercado das Telecomunicacións (CMT) entende que o Goberno está a asumir competencias en materia de concesión de licenzas de difusión de radio e televisión por cable, así como da defensa da competencia, que invadirían ás súas competencias, polo que a CMT levará ante o Tribunal Supremo o regulamento do servizo de difusión de radio e televisión por cable.
O novo regulamento, a xuízo da CMT, “non se axusta á legalidade vixente” e vulnera “as súas competencias en materia audiovisual”, pois relegaba á Comisión a un mero xestor do rexistro de autorizacións, mentres que as autorizacións, a inspección e outros servizos pasaban a Industria.