O CITIC intensificaŕa o seu traballo tecnolóxico-integrador a prol das persoas con discapacidade
luns, 27 de xuño do 2022
O
reitor da Universidade da Coruña, Julio Abalde, e o presidente da
Asociación Pro Persoas con Discapacidade Intelectual de Galicia,
ASPRONAGA, Nicanor Álvarez, asinaron a semana pasada un
convenio de colaboración para intensificar a investigación no
ámbito da discapacidade a través do CITIC (o Centro de
Investigación TIC da UDC).
O
subdirector do CITIC, Javier Pereira, explicou que este acordo
intensificará a investigación en Tecnoloxías da Comunicación para
as persoas con discapacidade e declarou que “a Cidade das TIC será
unha boa oportunidade para ter un espazo específico cun laboratorio
destinado a isto”.
O
reitor adiantou que o Centro de Servizos Avanzados da Cidade das TIC
(arestora en proceso de rehabilitación),disporá dun taller de
dispositivos intelixentes no que se poderá traballar este proxecto
mentres o CITIC non teña sede de seu neste complexto tecnolóxico
que dá nova vida á antiga Fábrica de Armas da Coruña. O reitor
salientou “a sensibilidade especial da UDC” e “o compromiso co
acceso á universidade destas persoas”, como demostran proxectos
como Talentos Inclusivos, impulsado dende o CITIC, ou o Espazo
Compartido.
Para
o presidente de ASPRONAGA, este convenio “abre portas” e amosouse
disposto a colaborar e a aportar a experiencia dos sesenta anos de
existencia desta asociación.