Chega ao mercado o reloxo-móbil de Samsung

Na pasada edición do CES de Las Vegas púidose ver o LG GD910, un reloxo de pulso que integraba un teléfono móbil 3G, e agora é Samsung o que amosa un dispositivo semellante (aínda que sen conectividade 3G), o reloxo S9110, que conta cunha pantalla táctil de 1,76 polgadas resistente a rabuñaduras, Bluetooth 2.1, recoñecemento de voz, correo electrónico (con sincronización con Outlook), altofalante, 40 Mb de memoria interna, reprodutor de MP3 e un grosor de só 11,98 milímetros, de xeito que sería o dispositivo deste tipo máis delgado do mercado.
O Samsung S9110 estrearase este mes en Francia a un prezo de 450 euros.